mu'qaD veS
[listen to sample]
mu'qaD veS!
tlhIngan tIgh DapabchoH DaneHchugh
tlhIngan tIgh'e' - tlhIngan Hol'e' - tlhIngan SuvwI' nugh
Dayajbe'chugh vaj bom mu' yImugh
'a mu'qaD veS, pe'vIl mu'qaD tIbach
mu' qaD veS vItaghDI' mu'qaD tIbuS
reH yIqawchu'taH: qoH vuvbe' SuS
targhlIj yab tIn law' no'lI' Hoch yabDu' tIn puS
mu'qaD veS, pe'vIl mu'qaD tIbach
baH!
ghe''orDaq luSpet 'oH DaqlIj'e'.
pa' tlhIngan SuvwI' lutu'lu'be'
verengan Ha'DIbaH lo'laHbe'
mu'qaD veS, pe'vIl mu'qaD tIbach
Dejpu'bogh Hov rur qablIj
chotIch DaneHchugh bom yI'Ij
tlhIngan mu'qaDmey tIchwI' je vIHIj
mu'qaD veS, pe'vIl mu'qaD tIbach
baH!
rura'penteDaq chuch DangevlaH
'IwHIq balDaq chuch Daqang wIneHbe' maH
taHqeq petaQ je DataH toDSaH
mu'qaD veS, pe'vIl mu'qaD tIbach
tugh rInchoH bom mu'vam; tIchmeH bom mu' vImuch
DaH peruch, DaH petIch, Qovpatlh'e' Da nuch
vaj tlhIngan mu'qaD yIqaw: Hab SoSlI' Quch!
mu'qaD veS, pe'vIl mu'qaD tIbach
yIqIm mu'qaD veS, pe'vIl mu'qaD tIbach
tlhIngan mu'qaD veS, pe'vIl mu'qaD tIbach
[back]
Copyright © 2006 Klenginem. All Rights Reserved. You use this website at your own risk.
Use of this web site constitutes acceptance of the Klenginem User Agreement and Privacy Policy.
last update see news.